Rikthehet pjesërisht interneti në Taxhikistan
Taxhikistan, 13 tetor - Disa prej uebfaqeve që ishin bllokuar në Taxhikistan, nga data 5 tetor, janë rikthyer.
Sot, është bërë e mundur qasja në Facebook, Wikipedia, dhe disa të tjera.
Po ashtu, mesazhet telefonike që ishin bllokuar javën e kaluar, janë liruar gjatë vikendit të fundit.
Mbi 200 faqe të internetit, përfshirë rrjetet e njohur sociale si Facebook,, YouTube, Twitter, e të tjera janë bllokuar me 5 tetor në Taxhikistan.
Kjo për shkak se interneti është përdorur nga lëvizja opozitare Grupi24, për të thirrur protesta me 10 tetor në Dushanbe.
Intervenimi i shtetit për të pamundësuar protestën ishte i shpejtë.`
Ndërsa, Gjykata Supreme e Taxhikistanit më 9 tetor, ka shpallur lëvizjen Grupi 24 si organizatë ekstreme, dhe i ka ndaluar veprimtarinë.
Po ashtu Gjykata, ka premtuar amnesti për të gjithë ata që largohen nga Grupi 24.