Prishtinë, 23 shtator - Dogane e Republikës së Kosovës ka bërë të ditur se oficerët doganor kanë parandaluar kontrabandimin e telefonave celular të markës Apple.

Gjatë kontrolleve rutinore të udhëtarëve të fluturimit Stamboll – Prishtinë oficerët doganor kanë arritur të gjejnë në valixhen e një udhëtare telefona Iphone 6 të cilët ishin të kamufluar së bashku me gjësendet tjera personale.

Vlera e mallra të cilat janë konfiskuar kalon 1500 euro kurse sasia është 4 copë. Telefonat janë produkte e reja të cilat sapo kanë dal në treg, respektivisht Iphone 6 dhe Iphone 6+.

Dogana iu bën thirrje të gjitha kompanive  të cilat merren me importin e telefonave të deklarojnë mallrat e tyre përndryshe të gjithë do ti nënshtrohen konfiskimit dhe gjobave.