28 Mars 2024

LG përgatit tri modele të reja në Android

Seul, 20 korrik - Përkundër lansimit të modelit të ri të telefonit, G3 Beat, kompania LG besohet se është duke i bërë gati edhe disa modele të reja të telefonave Android, të cilët do ti prezantojë brenda këtij viti.

Kompania koreane në fakt thuhet se është duke punuar që tre muaj në modelet e reja, dhe prezantimi zyrtar i tyre pritet të bëhet në një të ardhme jo shumë të largët. Në fakt, të tri modelet janë parë së fundmi në një uebfaqe indiane.

Modeli i koduar me shifrën LG D392 pritet të dal në treg me shifrën komerciale, F60. Ky model thuhet se do ta ketë ekranin e ndjeshëm në prekje me diagonalen prej 4.5” në WVGA (480×800), kamerën e pasme me 5 MP dhe atë të përparmen me VGA, si dhe mbështetjen për rrjetin LTE.

Procesori i këtij telefoni pritet të vijë me 1.2 GHz quad-core, i ndihmuar edhe nga 1GB RAM dhe 4GB memorie të brendshme.

Modeli tjetër i telefonit të ri të LG në Android pritet të jetë LG X147, me ekranin prej 4.3” në WVGA, procesorin me 1.3 GHz dual-core CPU, 512MB RAM, dhe 4GB memorie të brendshme, bashkë me baterinë prej 1700 mAh.

Përfundimisht, modeli tjetër LG X132, i cili është edhe më bazik, pritet të sjell ekranin me 3.5” WVGA, 1 GHz dual-core, 512MB RAM, 4GB memorie dhe baterinë me 1540 mAh. Të gjitha modelet e reja të telefonave pritet të vijnë me Android 4.4 KitKat. 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)