Tiranë, 3 korrik - Guvernatori i Bankës së Shqiprisë Genti Sejko, deklaroi të enjten se bankat komerciale në vend nuk janë të lejuar të transferojnë kapitalin e tyre në bankat greke, si masë mbrojtëse e ndërmarrë nga banka qendrore.

Banka e Shqipërisë ka shpallur disa masa parandaluese në lidhje me krizën e thellë ekonomike të Greqisë dhe efektet e tyre të mundshme në performancën e bankave private në Shqipëri. Sejko tha se këto masa synojnë parandalimin e pasojave negative që kriza ekonomike e Greqisë mund të ketë në muajt e ardhshëm në sistemin bankar shqiptar.

\"Kriza greke pritet të ketë ndikim të parëndësishëm mbi sistemin tonë bankar, pavarësisht se çfarë ndodh në ditët e ardhshme, por rritja ekonomike e Shqipërisë do të ndikohet nga falimenti i mundshëm i Greqisë,\" deklaroi guvernatori.