Prishtinë, 4 maj - Kryetari i Kuvendit të Kosovës, Kadri Veseli ka takuar të hënën Rrahim Pacollin, kryesuesin e Delegacionit të Kosovës për bisedimet teknike me Brukselin për kartonin e gjelbër.

Veseli dhe Pacolli biseduan rreth ecurisë së bisedimeve të deritashme teknike rreth lëvizjes së lirë, në mes të Kosovës e Serbisë dhe mundësitë e lehtësimeve për qarkullim të lirë të parashtruara në Bruksel nga pala e Kosovës, si dhe lehtësirat për bashkatdhetarët tanë gjatë ardhjes në atdhe.

Rrahim Pacolli e ka njohur kryetarin Veseli me pritjet rreth nënshkrimit të marrëveshjes teknike për lëvizjen e lirë në mes të Kosovës dhe Serbisë dhe vështirësitë aktuale që lidhen me mungesën e kartonit të gjelbër.

Veseli ka përkrahur plotësisht angazhimet e Pacolli dhe ka inkurajuar idenë e largimit të detyrimeve financiare për bashkatdhetarët, para 1 korrikut të këtij viti.