Prishtinë, 24 dhjetor - Ministri i Financave, Avdullah Hoti, priti sot në takim njoftues shefin e EULEX-it në Kosovë Gabriele Meucci.

Ministri Hoti, gjatë takimit e falënderoi shefin e EULEX-it, Meucci për punën, kontributin si dhe për bashkëpunimin e tij të ngushtë me institucionet e Kosovës, në veçanti me Doganën dhe shprehi bindjen se ky bashkëpunim do të vazhdoj edhe në të ardhmen.

Gjatë takimit Ministri Hoti e  njoftoi z. Meucci për zhvillimet e fundit rreth buxhetit të Republikës së Kosovës, si dhe për përkushtimin e Ministrisë së Financave në luftimin e dukurive negative financiare, parandalimin e ekonomisë joformale, pastrimit të parave, financimit të terrorizmit dhe krimeve financiare.

Ndërsa shefi i EULEX-it, z. Meucci, uroi Ministrin Hoti për pozitën e re dhe njëherazi shprehi  gatishmërinë e EULEX-it për rritjen e bashkëpunimit ndërmjet dy institucioneve.