Buenos Aires, 1 gusht - Shefi i kabinetit argjentinas Jorge Capitanich tha të enjten se vendi i tij nuk kishte dështuar në pagimin e borxhit, edhe pse bisedimet e së mërkurës me investitorët ishin të pasuksesshme.

Capitanich tha se mosarritja e një marrëveshjeje erdhi për shkak të \"paaftësisë\" së ndërmjetësit të caktuar nga gjykata, Daniel Pollack.

Një gjykatë në Nju-Jork vendosi pro kërkesës së fondeve në ShBA që blenë bonot argjentinase me rrezik me një çmim të ulur dhe e hodhën më pas në gjyq qeverinë argjentinase për t\'i kthyer shumën e plotë nominale të këtyre bonove.

Banka Qendrore e Argjentinës depozitoi 532 milionë dollarë në Bankën e New Yorkut më 26 qershor për të paguar kreditorët e saj, por gjykata ka bllokuar levrimin e këtyre fondeve.

Shefi i kabinetit argjentinas Jorge Capitanich tha se vendi i tij mund ta çojë çështjen në Gjykatën Ndërkombëtare të Drejtësisë në Hagë të Holandës.