Pekin, 16 prill - Në tremujorin e parë të sivjetshëm, ekonomia kineze është rritur 7.4 për qind krahasuar me të njëjtën periudhë të vitit të kaluar.

Sipas Zyrës Kombëtare të Statistikave, kjo shifër tregon se rritja në Kinë është përgjithësisht e qëndrueshme dhe se viti 2014 ka pasur një nisje pozitive.

Rritja në tremujorin e parë e ka kaluar vlerësimin e tregut prej 7.3 për qind, megjithatë, është më e ulët se se ajo e tremujorit të fundit të vitit të kaluar prej 7.7 për qind.