22 Prill 2018

Italia detonatori që mund të shpërthejë Eurozonën

Romë, 13 dhjetor - Tani, më shumë se kurrë, shoqëria italiane është në krizë pasi që Italia është ende nën sëmbimin e recesionit dhe të dhënat e publikuara së fundmi tregojnë rënie të mëtejshme.

Unicredit dhe Intesa Sanpaolo, dy nga bankat më të mëdha italiane, raportuan gjithashtu se janë \"thellësisht në zonën e rrezikut.\" Titujt kryesorë në gazetën ekonomike italiane \"Il Sole 24 Ore,\" ishin tepër të zymtë dhe të pashpresë.

Sipas statistikave më të fundit të ISTAT, Qendra Kërkimore Kombëtare Italiane, thuajse tre në dhjetë italianë janë në rrezik për të rënë poshtë kufirit të varfërisë, ndërkohë që gati gjysma e të gjitha familjeve italiane mbijeton me më pak se 2 mijë euro të ardhura në muaj.

Prodhimi industrial ra me 1% në tetor, vetëm nga muaji i kaluar. Që nga mëngjesi i së hënës, tregtia në tre bankat italiane, Monte Paschi di Siena, UBI dhe Banca Popolare di Milano, u bllokua sepse aksionet e tyre ranë me 5%, duke provokuar një bllokim të përkohshëm automatik.

Kryeministri aktual italian Mario Monti Monti tha për gazetën ´La Repubblica´ se ai ishte \"shumë i shqetësuar\" për të ardhmen e Italisë, dhe në një intervistë për të njëjtën të përditshme, ai paralajmëroi se Italia duhet \"të shmangë kthimin në një detonator që mund të shpërthejë eurozonën.\"

Duke njohur rëndësinë dhe pasigurinë e situatës së momentit në Itali, Bloomberg raportoi se Monti do të zhvillonte bisedime me Angela Merkel gjatë të hënës.

Zëdhënësi për mediat i qeverisë gjermane tha gjatë një konference për shtyp mëngjesin e së hënës se Merkel gjithmonë \"ka punuar mirë me z.Monti dhe e ka vlerësuar punën e tij si shumë të kënaqshme.\"

Monti është parë nga Evropa si \"një palë duar të sigurta\" dhe si dikush që gëzonte besimin dhe mbështetjen e Merkelit dhe Barrosos.

Edhe pse zëdhënësi i qeverisë gjermane tha se Merkel nuk do të komentonte dorëheqjen e Montit ose ndonjë lideri potencial të së ardhmes për Italinë, është e qartë se ata do t´a ndjekin nga afër situatën.

Në mëngjesin e së hënës, tregjet britanike dhe gjermane u hapën me ulje, krahasuar me mbylljen e tyre përgjatë së premtes.

Në dy orët e para të ditës, shitja në tregun e aksioneve italiane ra ndjeshëm dhe në mënyrë graduale. Indeksi i aksioneve për tregun italian, ose FTSE MIB, u ul në 3.3%, duke humbur 519 pikë.

Kjo luhatje kaloi dukshëm në shtetet periferike të eurozonës si përshembull Spanja, ku tregu i aksioneve spanjolle IBEX pësoi ulje me 1.8%.

Londra qarkullon ende sasinë më të madhe të eurove në Evropë, dhe indeksi i saj i aksioneve FTSE 100, ra me 18 pikë, duke reflektuar frikën që ndihet në mbarë botën, nga lajmi se Italia ndodhet edhe njëherë tjetër në prag të trazirave politike. 

Kalendari

Ngjarjet e datës 22 Prill 2018 - Me rastin e Ditës se Tokës Komuna e Prishtinës organizon ecje dhe vrapim nga fillimi i Parkut të Gërmisë deri në fshatin Butovc dhe kthimi mbrapa. (Fillimi i Parkut të Gërmisë, ora 8:00) 
 
- Komuna e Prishtinës organizon mbjelljen e luleve nga klubet e gjelbra të shkollave fillore dhe institucioneve parashkollore. (Prishtinë, ora 9:00)

- Komuna e Gjilanit organizon mbjelljen e luleve ku do te merr pjesë edhe kryetari Lutfi Haziri, përfaqësues nga “EcoHihigjiena”, Grupi i Ekologëve të Sh. M. U “Musa Zajmi” etj. (Qendra e qytetit të Gjilanit, ora 9:00)

- Ish bursistët e programit për këmbim të nxënësve të shkollave të mesme në Shtetet e Bashkuara të Amerikës - Kennedy Lugar Youth Exchange and Study (YES), organizojnë për herë të parë në Kosovë “Run with Color”. (Parku i Gërmisë, ora 10:00)

 - Mbahet sesioni i parë i “Yoga & Meditation” me Suada Pajazitin. (Parku i Gërmisë, ora 10:00)

- Një grup piktorësh do të mblidhen për të krijuar një koloni të vogël artistike që ka për qëllim të ofrojë vetëdijesim që edhe në Kosovë si në shumë shtete të tjera, ekziston një rrugë ku zhvillohet arti pamor.  (Lagja Ulpiana, tek ish-banesat e YU Programit, ora 12:00)

- Universiteti i Prishtinës “Hasan Prishtina” në bashkëpunim me Komunën e Prishtinës dhe disa organizata jo-qeveritare, do të organizojë pastrimin e kampusit të Universitetit dhe mbjellja e disa drunjve. (Oborri para Bibliotekës Kombëtare “Pjetër Bogdani”, ora 13:00)

- Nisma Socialdemokrate organizon tubim me banorët e fshatit Polac të Komunës së Skenderajt. (Restorani përball shkolles Fillore në Fshatin Polac, ora 15:00)

 - Zhvillohet aktiviteti për mbjelljen e drunjve dhe pastrimin e hapësirave në lagjet e qytetit nga “miqtë e Tokës”. (Sheshi “Edit Durham”, ora 13:00 - Oborri i Fakultetit Teknik, ora 14:00 - Rruga “Ilaz Kodra”, ora 15:00 dhe Rruga “Agim Ramdani”, ora 16:00)

 - Shfaqet dokumentari “Before the Flood” në amfiteatrin e sheshit “Zahir Pajaziti”. (Sheshi 'Zahir Pajazit', ora 19:00) 

- Zhvillohet sesioni i dytë i “Yoga & Meditation” me Suada Pajazitin në amfiteatrin e sheshit “Zahir Pajaziti”. (Sheshi 'Zahir Pajazit', ora 20:30)