17 Janar 2018

Kreditimi i ekonomisë shqiptare dha shenja të tjera negative

Tiranë, 18 prill - Kreditimi i ekonomisë shqiptare dha shenja të tjera negative gjatë tremujorit të parë të këtij viti, kur bankierët raportuan se kanë shtrënguar kushtet për kreditim si për bizneset ashtu edhe për individët, ndërkohë që edhe kërkesa për kredi ka rënë ndjeshëm. Lajmi bëhet i ditur nga Banka e Shqipërisë.

“Bazuar në rezultatet e vrojtimit të aktivitetit kreditues, standardet e kredisë kanë janë shtrënguar më pak për bizneset por kanë vijuar të shtrëngohen më tej për individët gjatë tremujorit të parë të vitit 2012, në krahasim me tremujorin e fundit të vitit 2011.\"

\"Sipas madhësisë së bizneseve, për ndërmarrjet e mëdha janë zbatuar standarde të shtrënguara, ndërsa për ndërmarrjet e vogla dhe të mesme ato nuk kanë ndryshuar nga një tremujor më parë. Sipas qëllimit për të cilin përdoret, bankat kanë shtrënguar njësoj standardet, si për kredinë e akorduar ndërmarrjeve të mëdha për kapital qarkullues ose për qëllim investimi, edhe kredinë e dhënë individëve për blerje banese apo për konsum,” thotë BSH në një raport të publikuar sot.

Faktorët me kontributin kryesor në shtrëngimin e standardeve të kredisë për biznese, janë problemet specifike të sektorit ku operon biznesi, situata e kredive me probleme dhe situata e përgjithshme makroekonomike.

Faktorët që kontribuan në shtrëngimin e standardeve të kredisë dhënë individëve janë kreditë me probleme, gjendja financiare e individëve dhe zhvillimet në tregun e pasurive të paluajtshme. Gjendja e likuiditetit është faktor që ka ndikuar në lehtësimin e standardeve të kredisë dhënë individëve.

Kushtet kryesore nëpërmjet të cilave është zbatuar politika shtrënguese e bankave për bizneset janë rritja e komisioneve dhe rritja e kërkesës për kolateral. Për individët, rritja e raportit të këstit të kredisë ndaj të ardhurave dhe ulja e madhësisë së kredisë.

Kërkesa për kredi vlerësohet të jetë ulur ndjeshëm në tremujorin e parë të vitit 2012, si nga bizneset ashtu edhe nga individët. Kjo rënie është vënë re më shumë për kredinë për investime të bizneseve dhe në kredinë për blerje banese të individëve.

Pritjet e bankave për standardet e kredidhënies gjatë tremujorit të dytë të vitit 2012 janë më optimiste krahasuar me vlerësimet për standardet e aplikuara gjatë tremujorit të parë.

Bankat presin të mbajnë të pandryshuara standardet e kredisë së dhënë bizneseve dhe individëve, pa bërë dallim ndërmjet kredisë së dhënë sipas llojit apo qëllimit të përdorimit. Pritjet për rritje të kërkesës, gjatë tremujorit të dytë vitit 2012, vihen re si për bizneset ashtu edhe për individët. 17 Prill 2012 

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)