22 Prill 2018

Lajme kontradiktore nga ekonomia botërore

Frankfurt, 27 janar - Shumë nga ekspertët e institucioneve financiare ndërkombëtare janë të bindur se rreziqet e krijuara nga kriza e borxheve sovrane në eurozonë do të krijojë një recesion të dytë në kontinent dhe do të japë pasoja negative në pjesën tjetër të botës.

Megjithatë, lajmet nga ekonomia gjermane, e cila përbën edhe zemrën e kontinentit, vijojnë të jenë pozitive.

Indeksi mbi Klimën e Biznesit, i publikuar nga Instituti IFO, shënoi rritje për të tretin muaj radhazi dhe industria shfaqet shumë më optimiste nga sa pritej.

Shitjet e makinave nga grupet ‘Daimler’ dhe ‘BMW’ shënuan rritje gjatë vitit të kaluar dhe shumë korporata të këtij vendi po parashikojnë fitime edhe më të larta për këtë vit.

Ndërkohë, edhe ekonomia amerikane ka shënuar përmirësime të konsiderueshme gjatë kohëve të fundit, ndërsa tregjet e bondeve sovrane të eurozonës janë qetësuar, pasi Banka Qendrore Europiane u dha një sasi të stërmadhe kredie me interes të ulët bankave të kontinentit, në mënyrë që këto të fundit të vijojnë të blejnë bonde sovrane të shteteve të rrezikuara.

Megjithatë, rreziqet mbeten ato që janë. Mungesa e një marrëveshjeje në Greqi dhe falimentimi i paorganizuar i këtij vendi mund të rrezikojë Italinë, Spanjën e Portugalinë, ndërsa investitorët vijojnë të presin për një zgjidhje më të qëndrueshme e afatgjatë të krizës së borxheve sovrane.

Kalendari

Ngjarjet e datës 22 Prill 2018 - Me rastin e Ditës se Tokës Komuna e Prishtinës organizon ecje dhe vrapim nga fillimi i Parkut të Gërmisë deri në fshatin Butovc dhe kthimi mbrapa. (Fillimi i Parkut të Gërmisë, ora 8:00) 
 
- Komuna e Prishtinës organizon mbjelljen e luleve nga klubet e gjelbra të shkollave fillore dhe institucioneve parashkollore. (Prishtinë, ora 9:00)

- Komuna e Gjilanit organizon mbjelljen e luleve ku do te merr pjesë edhe kryetari Lutfi Haziri, përfaqësues nga “EcoHihigjiena”, Grupi i Ekologëve të Sh. M. U “Musa Zajmi” etj. (Qendra e qytetit të Gjilanit, ora 9:00)

- Ish bursistët e programit për këmbim të nxënësve të shkollave të mesme në Shtetet e Bashkuara të Amerikës - Kennedy Lugar Youth Exchange and Study (YES), organizojnë për herë të parë në Kosovë “Run with Color”. (Parku i Gërmisë, ora 10:00)

 - Mbahet sesioni i parë i “Yoga & Meditation” me Suada Pajazitin. (Parku i Gërmisë, ora 10:00)

- Një grup piktorësh do të mblidhen për të krijuar një koloni të vogël artistike që ka për qëllim të ofrojë vetëdijesim që edhe në Kosovë si në shumë shtete të tjera, ekziston një rrugë ku zhvillohet arti pamor.  (Lagja Ulpiana, tek ish-banesat e YU Programit, ora 12:00)

- Universiteti i Prishtinës “Hasan Prishtina” në bashkëpunim me Komunën e Prishtinës dhe disa organizata jo-qeveritare, do të organizojë pastrimin e kampusit të Universitetit dhe mbjellja e disa drunjve. (Oborri para Bibliotekës Kombëtare “Pjetër Bogdani”, ora 13:00)

- Nisma Socialdemokrate organizon tubim me banorët e fshatit Polac të Komunës së Skenderajt. (Restorani përball shkolles Fillore në Fshatin Polac, ora 15:00)

 - Zhvillohet aktiviteti për mbjelljen e drunjve dhe pastrimin e hapësirave në lagjet e qytetit nga “miqtë e Tokës”. (Sheshi “Edit Durham”, ora 13:00 - Oborri i Fakultetit Teknik, ora 14:00 - Rruga “Ilaz Kodra”, ora 15:00 dhe Rruga “Agim Ramdani”, ora 16:00)

 - Shfaqet dokumentari “Before the Flood” në amfiteatrin e sheshit “Zahir Pajaziti”. (Sheshi 'Zahir Pajazit', ora 19:00) 

- Zhvillohet sesioni i dytë i “Yoga & Meditation” me Suada Pajazitin në amfiteatrin e sheshit “Zahir Pajaziti”. (Sheshi 'Zahir Pajazit', ora 20:30)