18 Shkurt 2019

Përmbyllet festivali i filmit "Hyjnesha në Fron"

Prishtinë, 22 nëntor - Festivali pesë ditor i filmit ‘Fest Film Kosova Hyjnesha në Fron’ është përmbyllur në atmosferë spektakulare dhe në prezencën e qindra musafirëve dhe spektatorëve nga vendi, rajoni e bota.

Nga filmat e metrazhit të gjatë, juria në përbërje të Enver Petrovcit, Moni Damevskit dhe Alfred Trebicka kanë shpallur çmimet e fituesve.

Filmi nga Çekia ‘In Silence’,   i regjisorit  Zdenek Jirasky ka fituar  tre cmime, Çmimin Filmi më i Mirë i Festivalit’ , pastaj Çmimin ‘Regjia më e Mirë’ si dhe Çmimin ‘Skenari më i Mirë’.

Çmimin ‘Roli Kryesor - Aktorja më e Mirë’ e ka fituar Njomëza Fetiu për rolin e saj në filmin ‘Babai im’, kurse Çmimin ‘Roli Kryesor - Aktori më i Mirë’, e ka fituar Simon Berger, që luajti rolin kryesor në filmin e regjisorit suedez, Mikael Marcimain, ‘Call Girl’ .

Nga filmat e metrazhit të shkurtër , Çmimin ‘Filmi më i Mirë’ iu nda filmit të regjisores Una Gunjak,  ‘The Chicken’.

 Çmimi ‘Kinemaja e së Ardhmes’, iu nda filmit kosovar ‘Pandora’ , film ky i realizuar nga Arlinda Morina,  kurse ‘Çmimin Special’ e fitoi filmi nga Shqipëria ‘Vrasësit’  , i regjisorit Ergys Meta.

Fest Film Kosova ‘Hyjnesha në Fron’ ka ndarë edhe Çmimin Special për Vepër Jetësore’, i cili sivjet iu nda aktores nga Shqipëria,  Marjeta Larja.

Gjatë Festivalit ndërkombëtar të filmit ‘Hyjnesha në Fron’ janë shfaqur 16 filma të metrazhit të shkurtër dhe 5 të metrazhit të gjatë.

Festivali pesë ditor është mbajtur në Stacionin Hekurudhor në Fushë Kosovë, ku për herë të parë filmat janë shfaqur edhe në tren, e jo vetëm në ambiente klasike sic janë sallat e teatrove apo sallat kinematografike. 

Kalendari

Ngjarjet e datës 19 shkurt 2019 - Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i raportit me amendamente në Projektligjin për Hetim Parlamentar. (Ndërtesa e Kuvendit, salla C 203, ora 11:00)

- Lëvizja Vetëvendosje organizon tryezën profesionale për tekstet shkollore dhe kurrikulën. (Ndërtesa e Kuvendit, salla C-405, ora 12:00)

- Bëhet përurimi i libri “Liri për Sadri Ramabajën” i përgatitur për botim nga Sherif Konjufca, kurse është botuar nga Shoqëria Lëvizja. (Bibliotekën kombëtare “Pjetër Bogdani”, ora 12:00)

- Partia Socialdemokrate organizon tryezë lidhur me pagën minimale, me titullin “Pagë me jetu!”. (Hotel Sirius, ora 13:00)

- Universiteti i Prishtinës “Hasan Prishtina” do të organizojë mbledhje komemorative pas ndarjes nga jeta të akademik Idriz Ajetit, i cili shërbeu edhe si rektor i Universitetit të Prishtinës. (Salla e Senatit në Rektorat, ora 14:00)

- Galeria e Ministrisë së Kulturës e fillon Programin e saj Artistik për vitin 2019 me ekspozitën “Origjinaliteti”, të autorit Visar Mulliqi. (Galeria e Ministrisë së Kulturës, ora 19:00)